Sûriye

Azadkirina bajarokê Um Erkîleyê li rojhilata Helebê

Azadkirina bajarokê Um Erkîleyê li rojhilata Helebê

Artêşa Sûriyê roja yekşemiyê bajarokê Um Erkîleyê li dorhêla rojhilata Helebê ji bin dagirkeriya koma têrorîst a DAIŞ`ê azad kir.

Li gorî rapora Press TV`yê, artêşa Sûriyê pêştir bajarokê El Qetebiyê li dorhêla rojhilatî ya Helebê jî azad kirbû.

Koma nasyar bi Zêrevana Mafên Mirovan a Sûriyê ku navenda wê li Londonê ye jî roja yekşemiyê qala pêşdaçûna artêşa Sûriyê ber bi meydanên niftî yên dorhêla rojhilatî ya parêzgeha Humsê û azadkirina avahiyên komopaniya niftî ya Heyanê li meydana niftî ya Heqel Hecarê li rojhilata bajarê Palmîrayê kir.

Hêzên artêşa Sûriyê karîn ku bi alîkariya hêzên hevpeymana xwe riya hatûçûna DAIŞ`ê li başûrê bajarê El Babê qut bikin.

Artêşa Sûriyê niha ber bi aliyê başûrê rojhilata bajarê El Babê va li halê pêşdaçûnê ye û dil heye ku xeleka dorpêça xwe li ser vî bajarî kamil bike  û hemî riyên hawargihaniya bo DAIŞ`ê qut bike.

Sûriye ji pênc salan berî viya va tûşî hebûna komên têrorîst ji wan DAIŞ û Cebheya Nusreyê ku ji aliyê welatên rojavayî û welatên navçeyê bi taybet Tirkiye û Erebistanê va tên piştgirîkirin, bûye. (BANGÊ ÎSLÂMİ)