Îran

Li stratijiya Komara Îslamî ya Îranê tu pêwîstiyeke berevaniyê nikare bikaranîna hin çekan pîne bike

Li stratijiya Komara Îslamî ya Îranê tu pêwîstiyeke berevaniyê nikare bikaranîna hin çekan pîne bike

Cîgirê hiqûqî û navneteweyî yê wezîrê karên derve yê Îranê, Ebas Iraqçî roja sêşemiyê li civîna roja cehanî ya agahdariya ji mayîn û alîkariya ji bo têkoşîna dijî wê li Têhranê, her wiha got: Paqijkirina madeyên mayî ji şêrr bi taybet mayîn û muhîmatên xûşeyî ji dijwartirîn karan li cehanê ye; Ji ber ku mayîn heta piştî bidawîhatina şêrr tên teqandin û her roj merivan dikin gorî.

Iraqçî got: Komara Îslamî ya Îranê li gorî hîndekariyên îslamî û îranî bibandortirîn şêwaza sekinîna dijî çekan, hilêxistina kokên siyasî, civakî û çandî di navbera welatan dizane.

Cîgirê hiqûqî û navneteweyî yê wezîrê karên derve yê Îranê bi bîr xist: Îranê hertim li ser qedexetiya berhemanîn, veguhestin û bikaranîna çekên komkujiyê li civîn û civatên navneteweyî pêgirî kiriye û ji welatên pêşeng li sekinîn ali hemberî van çekan e.

Iraqçî her wiha amaje bi bikaranîna bombeyên xûşeyî kir û destnîşan kir: Bikaranîna van cûre çekan bi tu pêwîstiyeke berevaniyê nayê pînekirin û mixabin rêjîma siûdî li Yemenê bi awayekî berfire van bombeyan bi kar tîne û welatên rojavayî li hemberî van cinayetabn bêdeng mane.

Civîna roja cehanî ya agahdariya ji mayîn û alîkariya bo têkoşîna dijî wê roja sêşemiyê bi amadebûna hin rayedarên îranî û balyoz û rayedarên leşkerî yên welatên cûrbicûr li Têhranê hat lidarxistin. (BANGÊ ÎSLÂMİ)