Îran

Pêgîriya Îranê ser rola Ajansa Navnetewî ya Enerjiya Atomê bona zêdekirina ewlehiya navokî li cîhanê

Pêgîriya Îranê ser rola Ajansa Navnetewî ya Enerjiya Atomê bona zêdekirina ewlehiya navokî li cîhanê

Nûnerê hertimî yê Îranê li Ajansa Navnetewî ya Enirjiya Atomê û serokê grûpa “77 û Çînê“ li civîna Kunseya Hukam ser rola Ajansa Navnetewî ya Enirjiya Atomê bona zêdekirina ewlehiya navokî li cîhanê û dayîna alîkariyên pêwîst bi welatên endam sekinî.

Komara îslamî ya Îranê wekî serokê grûpa “ 77 û Çînê“ li civîna duşemê ya Konseya Hukam a Ajansa Navnetewî ya Enirjiya Atomê li Viyenayê daxûyaniyek belav kir û li vê civînê xwend.

Riza Necefî nûnerê hertimî yê Îranê li  Ajansa Navnetewî ya Enirjiya Atomê û serokê grûpa “77 û Çînê“ li vê civîna Konseya Hukam ser rola Ajansa Navnetewî ya Enerjiya Atomê got: Welatên endame vê saziyê berpirsê dabînkrina ewlehiya navokî li cîhanê ne û bona ku ev ewlehiya serê xwe bigre pêwîste ku welatên endame ajansê alîkariya hevdu bikin.

Nûnerê hertimî yê Îranê li  Ajansa Navnetewî ya Enirjiya Atomê û serokê grûpa “77 û Çînê“ li vê civînê bal kişande ser girîngiya zêdebûna çanda ewlehiya navokî li cîhanê û destnîşan kir; Gelek ji welatên endame Ajansê bitaybet welatên li halê pêşketinê yên endame grûpa 77 dixwazin ku ajans bernamên peywendîdar bi êminatiya navokî bide wan û li vê barê bernamên perwerdehî ji bo wan dayîne.

Civîna Demsalî ya Konseya Hukam a Ajansa navnetewî ya enirjiya Atomê ji duh duşemê û bi pişkdariya 35 welatên cîhanê yên endame vê kunseyê û endamên ajansê li navenda vê saziyê li Viyenayê destpê bûye û hetanî îniya tê dê bê domandinê. (BANGÊ ÎSLÂMİ)