Iraq

Vegera awareyên iraqî ser malên xwe bi dû azadkirina rojhilata Mûsilê

Vegera awareyên iraqî ser malên xwe bi dû azadkirina rojhilata Mûsilê

Wezareta Koçberîyê ya Iraqê ragihand ku bi dû azadkirina rojhilata Mûsilê, zêde ji 4 hezar awareyên iraqî zivirîne ser mal û halê xwe.

Evdilemîr Reşîd Yarulah fermandarê opêrasyona hevpar a azadkirina Mûsilê ji lepên DAIŞ`ê duh danê êvarê bi daxûyanîyekê ragihand ku taxa Melayînê wekî taxa herî dawîyê li rojhilata Mûsilê hat azadkirinê û koma têrorîst a DAIŞ`ê li vê deverê hat kokbirrkirinê.

Mistefa Hamid berpirsê wargehan li wezareta koçberîyê ya Iraqê ragihand ku 4 hezar û 78 awareyên iraqî ku li kempa Hesenşam û Xazirê li rojhilata Mûsilê diman, zivirîne ser malên xwe.

Wî herwiha dîyar kir ku odeya opêrasyonê ya wezareta alîkarîyê ya Iraqê bi hevkarîya ligel wezareta çêkirina rêyan û fermandarîya opêrasyona hevpar, hin otobos jibo veguhestina awareyên mûsilî û hin kamyon jî jibo veguhestina kelûmelên wan terxan kirine.

Rayedarên iraqî herwiha dema vegera awareyan ser malên xwe xarek dan wan. (BANGÊ ÎSLÂMİ)