NûçeRojhilatanavinYemen

Xwenîşandana dijî Amerîka li Yemenê

Welatiyên yemenî dijî dagîrkeriya Amerîkayê li welatê xwe xwenîşandaneke berfireh birê xistin.

Li gor rapora ajansa nûçan a El-Mesîreh, welatiyên yemenî duh îniyê bi rêxistina xwenîşandaneke berfireh li Senayê paytexta vî welatî, destdirêjiyên hevalbendiya dijî Yemenê bi serokatiya Erebistanê mehkûm kirin û ragihandin ku qet dagîrkeriya Amerîka qebûl nakin.

Xwenîşanderên Yemenî bilî ragihandina piştevaniya xwe ji dewleta Senayê bona sekinîna li hemberî destdirêjkerên erebistanî, dijî siyasetên zêdexwazî yên Erebistanê û Amerîkayê diroşm didan.

Pêştir tevgera Ensarullaha Yemenê li bara ketina hêzên eskerî yên amerîkî bo nav welatê xwe hişyarî dabûn.

li gorî rapora ajansa nûçan a Mesîrê, Hevçaxî gihêştina gemiya firokehilgir û 6 gemiyên şêr ên Amerîkayê bo başûra Yemenê, roja şemiyê jî 200 eskerên amerîkî hevrê digel erebe û amorên xwe yên şêrr gihêştine bajarê Benderî yê Mukelayê li başûra Yemenê.

Her wisa ragihandine ku 15 helîkopterên şêrr ji cûreya Apachie (Apaçî) û 5 helîkopterên şêrr ên Black Hawk ên artêşa Amerîkayê gihêştine pêgeha hewayî ya El-Endê li başûra Yemenê.

Hatiye ragihandin ku nîzikî 200 marînzên Amerîkayê jî şemiya bihûrî bi papora balafirhilgir a Rozvelt û şeş paporên şêr re xwe gihandine kendava Edenê û ji wir bi makîneyên xwe derbasî bajarê El Mekelayê li başşûra Yemenê bûne .

Herwisa piştî gihêştina van hêzên amerîkî bo nav axa Yemenê, balafirên barkêş ên Amerîka jî çek û sîlah ji bo van eskeran gihandine pêgeha El-Endê.

Ev liv û tevgera Amerîkayê li nav axa Yemenê bi mihana xebata dijî El-Qayidê li parêzgeha Hezermûtê ye.

Amerîka li halekî hêzên xwe yên eskerî birine nav axa Yemenê ku Erebistanê hema hîn jî dewamê dide destdirêjiyên xwe ser axa Yemenê. (BANGÊ ÎSLÂMİ)

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Başa dön tuşu
Kapalı